دلالة أحمد ابن عوف التاريخية

على نفس نمط الدلالة حيث يبدأ الرجل الذي يقف في المنصة بعرض السلعة المراد المزايدة عليها بإعطاء سعرها (بحسب السوق) ومن ثم إما يصعد او يهبط السعر في الدلالة .بحسب المشترين(الاعضاء المتداخلين)

بعد بعانخي وتهراقا تاني في منو؟؟

اقترحوا .

وفي مداخلة أخري كتب

اعادة قراءة الاتاريخ دي عملية مستمرة، جيل ورا جيل بقوم باعادة قراءة التاريخ
وكانها عبادة

وهذه محاولة منها، ان نبحث داخل تلك الشخصيات ونكتشف السر
السر الذي نبحث عنه يومنا هذا لانقاذ ما يمكن انقاذه من السودان المتهالك دا
اسئلة زي:
من هو تهراقا؟؟
ماهي تعاليمه؟؟كيف كان يحكم؟؟
ماذا خلف لنا من افكار؟؟
وهل يمكن استدعائها من جديد؟؟

كيف استطاع النوبة اقامه حضارات مثل التي شاهدة امامنا؟؟

وكان أحمد ابن عوف كتب في بداية الخيط

شخصية سودانية خلدها وسيخلدها التاريخ (لا خلاف حولها) بعد بعانخي و تهراقا ... تاني في منو؟
كمحاولة في ما يسمى جمع الصف الوطني
لا بأس، ان كانت من التاريخ القديم او الحديث
المهم ان لا يكون هناك خلاف حولها وحول بطولتها و دورها الوطني ، رجلا كان او امرأة

يستتبع

يعني نتقف أولا على صحة اسمه وهو تهارقةـأو تهارقا وليس كما جاء في العهد القديم.

تهارقا 690- 664 ق.م.

كان تهارقا أحد أبناء بيَّا وغالباً ما كان شقيقاً لـ شبتاكا. طلب شبتاكا من تهارقا تولي قيادة الجيش وهو لازال في سن العشرين. كان تهارقا محارباً عظيماً وخاض غمار العديد من المعارك ضد الآشوريين. عندما توفي شبتاكا، أصبح تهارقا ملكاً وتم تتويجه في مصر. مع أن تهارقا لم ير والدته منذ أن كان صغيراً، لكنه أكد على ضرورة حضورها مراسم تتويجه. تحصل الآثاريون على الكثير من المعلومات من نقوش حجرية تم العثور عليها في كل من السودان ومصر. وقد كتب أعداؤه الآشوريون عنه أيضاً, وذكر مرتين في الكتاب المقدس الذى سماه ترهاقا (وهو النطق الخاطئ الذى نال شيوعاً ووجب تصحيحه كما نوهنا في الصفحة الرئيسة).

في حوالي 684 ق.م. ارتفع منسوب النيل خلال فيضانه السنوي بصورة غير معهودة من قبل. وقد جلب ذلك محصولاً استثنائياً انعكس إيجابا على ثراء المملكة. أمر تهارقا بتشييد العديد من المشروعات، وأعاد مجدداً بناء العديد من المعابد. كانت السنوات الأولى لحكمه قد شهدت ازدهاراً هائلاً، لكن السنوات الختامية شهدت كوارث. ففي حوالي 671 ق.م. بدأ الآشوريون في شن الهجمات على مصر بصورة متكررة سنوياً. في البداية حققت قوات تهارقا انتصاراً في المعارك، لكن الآشوريون سرعان ما تمكنوا من السيطرة على هجمات القوات الكوشية-المصرية. احتل الآشوريون ممفيس وأسرت قواتهم زوجة تهارقا وابنه. تراجع تهارقا إلى نبتة حيث توفي هناك في سنة 664 ق.م. ودفن في جبانة جديدة أنشأها في نوري. بلغ ارتفاع هرمه 150 قدماً وكان الأكبر من بين الأهرام التى شيدت في كوش.

المغزي دوما بالختام

وليس بأنه احتل مصر قبل ان تطره منها قوات غازية أخري.
هل لأنه إحتل مصر او وادي النيل الشمالي نعظمه ... ؟

تغني وردي عن "ترهاقا" مثلما قال والنهر يطفح بالضحايا وشتتو كتل الغزاة الباغية.
هل تاريخنا يكتبه الشعراء،ونستمد صحة أسماء أجدادنا منهم،أم نذهب لمقابرة الكرو الملكية كي نفك طلاسم لغة الاجداد ونعرف رسمهم ونخطو حافر بحافر معهم.

الأدهي والامر توجد دراسات ليبية تنسب تهارقة إلى كونه مواطنا ليبيا،لذا يكتبونة تهارقة،وليس تهارقا.يعني كلام بينسف كل شئ عن سودانيته،فضلا عن كونه نوبي،وسنأتي لاحقا لتبيان الأمر.
أواصل

أصل مملكة نبته

من منتصف القرن الثامن حتي منتصف القرن السابع ق.م. 571-656
ظل هذا الموضوع مثاراً للإفتراضات ، بعيدا كل البعد عن البحث الشامل شائكا في نظر المتخصصين نظرا لقلة المادة العلمية المتوفرة لأن الدرسات والحفريات قليلة في هذا الشأن،والتي تركز معظمها حول الكرو ونوري ومروي البركل ،وكرمة. ومن العلماء حفائر دتهام،وريزنر ، فيرث، شتين دورف ويونكر والاخير في منطقة النوبة السفبى .

تتخلص الآراء كالتالي :

1- الرأي القائل بان أصل تلك الأسرة مصري .
2- النظرية التي ترجع ذلك البيت الى أصل ليبي.
3- النظرية التي تقول ان البيت الحاكم في نبته والمؤسس للأسرة 25 فيما بعد من أصل محلى ،أى من أهل المنطقة .
*الاصل المصري*
هي مجرد فرضيات ،تقوم على تمسك أفراد الأسرة بعقيدة آمون ،وهي الديانة الرسمية لمصر القديمة ومعظم شمال أفريقيا .
بعانخي _ 571-716_ اسم مصري سبق إستعماله ايام الاسرة 21 (اسرة الكهنة في طيبة)
حملة بعانخي بن حريحور، بل انهم يعتبرون مؤسسي هذه الاسرة من سلالة اسرة الكهنة في طيبة التى فر بعض أفرادها الى نبته خوفا من نتائج الهزيمة على ايدي الامراء الليبيين الذين ملكوا زمام مصر أنئذ وحكموها ما بين سقوط الاسرة 21 وقيام الاسرة 25 ،والمتتبع لتاريخ العلاقات الحضاريةبين السودان ومصر منذ فجر التاريخ حتى تلك المرحلة من مراحل التطور ليدرك تماما ان الطابع المصري لإصحاب ذلك البيت لابد يرجع الى طول استيطان اعداد كبيرة من المصريين في النوبة ليعملوا ضمن أفراد الادارة المصرية أو في القوات المرابطة. كما ان إنتشار الكهنة المصريين في معابد كوش حتى منطقة الشلال الرابع كان له أثر كبير في نشرالثقافة والعقائد المصرية.
فيما يتعلق بظهور الاسماء المصرية ،فإن ذلك لم يتعد اسمي الملكين "بعنخي" و"حورحسيف" (404-396 ق.م) هذا إذا إستثنينا الاسماء المصرية التى ظهر بعضها بين أبناء ملوك ذلك البيت مثل:
حور-ام - اخت ،إبن الملك شباكو ويسمي أيضا "حور ماخيس" حوالى (707-696 ق.م) والذي حمل إسما مصريا ايضا،كذلك فإن طهارقة قد أعطي إثنين من أبنائه إسمين مصريين وهما "نيسونحرت" وهو "اوشناكورو" في الحوليات الآشورية للملك "آسرحودون" و"نيسوشو - تفنوت" كما حمل بعض ملكات الأسرة وأميراتها أسماء مصرية مثل "امنرديس" إبنة الملك كاشتا المتوفي (751 ق.م) وإحدي زوجات الملك بعنخي وكانت تدعي "نفرو كاكاشتا" ، والملكة "تاباك -نمون" إبنة الملك بعنخي،ثم احدي بنات الملك "شباكو" وأخيرا زوجة الملك أسبلتا( 592-568 ق.م) هذا بلإضافة الى بعض الاسماء المصرية حملها نفر من الموظفين والكهنة،ذلك هو شان الأسماء المصرية بين أفراد العائلة المالكة في نبته.

اما بخصوص دور كهنة المعبد آمون فليس هناك جدال في النشاط الكبير الذي قاموا به خلال حكم الاسرة الخامسة والعشرين،فبإسمه أقيمت المعابد في شتي انحاء النوبة،وتحت لوائه إستطاع ملوكها السيطرة على شمال الوادي بسهولة،ولم ينظر إليهم على أنهم قوم غرباءبل كانوا من أنقذوا الوادي وحفظوا تقاليد البلاد وعقائدها المقدسة،كما لا يُستبعد أن يكون فريق من الكهنة قد هرب فعلا إلى نبته بسبب الهجوم على الليبيين كل ذلك يمكن إعتباره من العوامل المساعدة للبيت المالك في نبته للوصول إلى العرش،أما المبالغة في دور كهنة آمون فإنها تؤدي بلا شك إلى نتائج خاطئة.
أواصل

ود الفكي
الف تحية ليك، واتصلت عليك مرتين لكن للاسف الخط تقول فيهو عارض
اولا رمضان كريم عليكم وعلينا
ثانيا اعذرني ان طولت ولم ادخل المنبر
وشكرا على البوست دا
فيما يخص الاسم، لعلك لو تابعت البوست ستجد في احدى المداخلات كتبت
التلاتة اسماء وراء بعض، وقلت اي زول يختار البنفع معاهو
تهراقا، تراهقا، ترهاقا
ودي ممكن تكون قضية اساسيه لو انت شغال في مجال تحقيق والتاريخ، لانو اعتمادك لا اسم
بوري الزول انت مصادرك شنو؟؟ ولو عرفنا مصادرك ممكن نتعرف على الكثير
يعني انت مثلا اعتمدت على الانجيل هو الصحيح؟؟ ودي بتيقى زي قصة اليهود والنصاري لمن اختلفوا ونزلت الآية:

يَا أَهْلَ الْكِتَابِ لِمَ تُحَاجُّونَ فِي إِبْرَاهِيمَ وَمَا أُنزِلَتِ التَّوْرَاةُ وَالْإِنجِيلُ إِلَّا مِن بَعْدِهِ ۚ أَفَلَا تَعْقِلُونَ ﴿٦٥﴾ آل عمران
طيب يا حبيب ـ تراهقا او تهراقا دا اساسا جاء قبل الانجيل زاتو، اييه عرفهم باسمه، فالذين كتبوا النجيل
كتبوه كما سمعوه، ونحن نكتبه كما تغنى به وردي ايضا، ومافيش حد احسن من حد
والسؤال عن اصل تهراقا العرقي، كان مادة اساسية في علم المصريات وكتب التاريخ، وتحديدا هذا الرجل لييه، لانه كان من العظمة بمكان، ان لا يروق لكل الكذابين الافاقين ان يدعوا انه اسود، يعني مثلا لماذا
لم يتم التجقيق في اصول بعانخي، او اصول الكنداكة وكل ملوك النوبة من 3500 قبل اليلاد الى يومنا هذا
ما عدا اصول هذا الرجل؟؟

________________

الحاجة التانية:
ودي تحيليل شخصي جدا، لماذا دائما لا اميل لان اي نوبي له اصول آريه او اوروهندية؟؟ياخي دي اصعب مكان في ادلنيا الزول يعيش فيها، بالعربي لو ما مجبر ما بتقعد فيها يا محسن عشان يجي هندي وللا ارى ويؤسس ممالك في منطقة النوبة، انت يا محسن بالضرورة
شفت وادي حلفا، انا لم ازرها، لكن حدثني اهلي لو انك قضيت الصيف او الشتاء في وادي
حلفا، لعرفت لماذا ان علاقتهم بالسماء .......واللنكات اياها انت عرافه كويس، لولا رمضان لصرفنا ليك واحدة


بجيك راجع

فكرة البوست يا مجسن بكل بساطة هي:
معرفة الرجال الذين كان لهم دور في تحديد المساحة الجغرافية لدولة جنوب وادي النيل، اهو نقول جنوب
وادي النيل عشان ما نقع في غلاط العهد القديم والجديد وكان اسمها كوش، لا اسي اسمها السودان
وما بينهما من نبتة ونوباتيا ومروي وعلوه ومقره ودنقلا.
جنوب وادي النيل، بنفع؟؟
او مصر العليا؟؟ برضو ما عندي مانع، وقع ليك يا محسن، السودان الشمالي دا زاتو في الكتب اسمو مصر العليا؟؟او السودان اساسا اسمه كان مصر، ولمن ظهرت مصر الاراضي النيلية بعد آلاف من السنين من طمي الهضبة الاثيوبية
وارضي السودان تكونت اراضي جديدة، ومنخفضة، عشان كده سموها مصر الدنيا
وقع ليك يا محسن انا داير اقول شنو؟؟
لانه لمن كان في حضارة في السودان ما كان هناك في مصر زاتو، البحر الابيض المتوسط دا كان قريب من الشلال الاول
يا حبيب، اي اراضي بعد كده تكونت بفعل الطمي الذي يتراكم بفعل الفيضان.

______________________

نرجع للهدف من البوست.
طيب التعيس عمر البشير هو سلفاكير دايرين يترمو السودان، ودا ما صاح منهم، مع انني انفصالي، لخير الجنوبيين طبعا
ياخي اديناك حاجة جيبا زي ما شلتها
مساحات الدول والامبراطوريات يا محسن، دائما بكون وراها رجال بحق وحقيقي، عشان كده الاسكندر المقدوني كان مشهور
لييه، هل لانو كان مخنث، ومثلي، ام لانه كان صغير في السن.
لانه تحصل لامبراطوريتة على اراضي جديدة؟؟
دا هو المعيار عبر اي تاريخ في العالم.
المهدي اعتبرناه يستحق التخليد برضو، لانه ضمن اراضي جديدة للسودان، وحدد حدود جغرافية للبلد.
دحين البشير، داير يسلمنا للشعب السوداني ناقصة، ليس للشماليين فقط، بل للجنوبيين ايضا
يعني لو الزعل بقاس بكميات الخسارة، فالجنوبي مفروض يزعل اكتر من الشمالي
في الشمالي فقد ثلث ولكن الجنوبي فقد ثلثين
اها، احنا بنفتش على تراهقا او مهدي جديد وعلى الاقل لو ما جاب لينا اراضي جديدة، اليحافظ على العندنا دي

تحياتي

بعد التحية والسلام يا احمد ابن عوف:سانقل فقرة من مداخلتك
فكرة البوست يا مجسن بكل بساطة هي:
معرفة الرجال الذين كان لهم دور في تحديد المساحة الجغرافية لدولة جنوب وادي النيل، اهو نقول جنوب
وادي النيل عشان ما نقع في غلاط العهد القديم والجديد وكان اسمها كوش،
قبل كوش كانت تسمي بأرض الواوات او حضارة الواوات.
لا اسي اسمها السودان
وما بينهما من نبتة ونوباتيا ومروي وعلوه ومقره ودنقلا.

نبتة كانت ما قبل الميلاد ،وهي التى منها بعانخي وتهارقا
علوة والمقرة بالإضافة الى سوبا ديل ممالك نصرانية ،تكونت بعد مئات السينين من حضارة نبته.

جنوب وادي النيل، بنفع؟؟
جنوب وادي النيل جغرافيا ما بينفع ، لأنك تقصد بذلك إما الجزيرة والتى كانت تعرف تاريخيا بأرض الأغنام.
أو تقصد جنوب رواندا وبورندي وتنزانيا .

او مصر العليا؟؟ برضو ما عندي مانع، وقع ليك يا محسن، السودان الشمالي دا زاتو في الكتب اسمو مصر العليا؟؟او السودان اساسا اسمه كان مصر، ولمن ظهرت مصر الاراضي النيلية بعد آلاف من السنين من طمي الهضبة الاثيوبية
وارضي السودان تكونت اراضي جديدة، ومنخفضة، عشان كده سموها مصر الدنيا
وقع ليك يا محسن انا داير اقول شنو؟؟
لانه لمن كان في حضارة في السودان ما كان هناك في مصر زاتو، البحر الابيض المتوسط دا كان قريب من الشلال الاول
يا حبيب، اي اراضي بعد كده تكونت بفعل الطمي الذي يتراكم بفعل الفيضان.

الكلام الفوق ده أوعي تكون رشيتو في البوست في سودانيز اون لاين ..!

ودي ممكن تكون قضية اساسيه لو انت شغال في مجال تحقيق والتاريخ، لانو اعتمادك لا اسم
بوري الزول انت مصادرك شنو؟؟ ولو عرفنا مصادرك ممكن نتعرف على الكثير
يعني انت مثلا اعتمدت على الانجيل هو الصحيح؟؟ ودي بتيقى زي قصة اليهود والنصاري لمن اختلفوا ونزلت الآية:

يَا أَهْلَ الْكِتَابِ لِمَ تُحَاجُّونَ فِي إِبْرَاهِيمَ وَمَا أُنزِلَتِ التَّوْرَاةُ وَالْإِنجِيلُ إِلَّا مِن بَعْدِهِ ۚ أَفَلَا تَعْقِلُونَ ﴿٦٥﴾ آل عمران
طيب يا حبيب ـ تراهقا او تهراقا دا اساسا جاء قبل الانجيل زاتو، اييه عرفهم باسمه، فالذين كتبوا النجيل
كتبوه كما سمعوه، ونحن نكتبه كما تغنى به وردي ايضا، ومافيش حد احسن من حد
والسؤال عن اصل تهراقا العرقي، كان مادة اساسية في علم المصريات وكتب التاريخ، وتحديدا هذا الرجل لييه، لانه كان من العظمة بمكان، ان لا يروق لكل الكذابين الافاقين ان يدعوا انه اسود، يعني مثلا لماذا
لم يتم التجقيق في اصول بعانخي، او اصول الكنداكة وكل ملوك النوبة من 3500 قبل اليلاد الى يومنا هذا
ما عدا اصول هذا الرجل؟؟

ياعزيزي انت إفترعت خيطك في سودانيز اون لاين كما دقاش الدلال
اخترت نفرين من من مملكة نبتة أي حوالي منتصف القرن السابع قبل الميلاد ( 571-656 ق.م) والاتنين الأولهم بعانخي بن حريحور ..والثاني من نفس الأسرة المالكة وقمت حددت السعر لبداية المزاد
معقولة بس تاريخ يعود كما كتبت الى 3500 ، تختار منو 700 سنة وتقيم عليها المزاد ..؟
لاحظ يا أحمد بن عوف لدلالة عنوان بوست محسن .

الحاجة التانية:
ودي تحيليل شخصي جدا، لماذا دائما لا اميل لان اي نوبي له اصول آريه او اوروهندية؟؟ياخي دي اصعب مكان في ادلنيا الزول يعيش فيها، بالعربي لو ما مجبر ما بتقعد فيها يا محسن عشان يجي هندي وللا ارى ويؤسس ممالك في منطقة النوبة، انت يا محسن بالضرورة
شفت وادي حلفا، انا لم ازرها، لكن حدثني اهلي لو انك قضيت الصيف او الشتاء في وادي
حلفا، لعرفت لماذا ان علاقتهم بالسماء .......واللنكات اياها انت عرافه كويس، لولا رمضان لصرفنا ليك واحدة

منو القال ليك ناس بعانخي ديل نوبة ..؟
ما طالعته من مصادر تقول ان اسم السودان القديم تاحنسو
اما الكتب السماوية ووردي ديل ما عبارة عن اجتهادات بشرية لمنقولات شفاهية
هل الوحي تنزّل مكتوبا
وحتى لو تنزل مكتوبا هل قبل ان يأمر الحجاج بتنقيط اللغة العربية ،كان منقطاً ، بل اكتسب وضع النقاط فوق الحروف قدسيةً .

فما عارف ح تواصل يا أحمد تاني
ولا نقفل المزاد.
برجاء ايراد رابط سودانيز لو ح تواصل ..
مين يزود
ومن يرسو عليه العطاء ..؟

شفت كيف يا ود الفكي انا مكنت غلطان لمن فتحت الدلالة بتاعتي

يعني انت معاي انا وانت ما قادرين حتى نتفق على اسم للسودان!!!!

جديد وللا قديم، كل ما نافع، طيب دايرين نعمل بلد واحد نتلمه فيهو كيف يعني؟؟؟

وانت ما بتفوت عليك ، واتمنى انك بتكون متذكر بوستي بتاع قضية واحدة نتفق عليها، دا تقريبا امتداد ليهو

الكلام الفوق ده أوعي تكون رشيتو في البوست في سودانيز اون لاين ..!



افو ... الكلام دا مستعد ارشو في ايبشيان اونلاين زاتو لو كان عندهم واحد هههههههه

على العموم المزاد رسى على الامام المهدي ( وما يفوتك............... نوبي برضو)

تحياتي يا صديقي

سلام عزيزي أحمد ومعذرة للتأخير ، وأعدك ألاّ أتأخر عليك مرة اخري ، رغم المشاغل الكثيرة .

لا حولااااا
بالله المزاد رسي على المتمهدي المُتنوِّب.
كان كده خليني نواصل في البوست ، قبل أن نأتي على المتمهدي " لنرشو" ذاتو ..!
لنعرف من أين جاءت كلما نوبا ..والتى يقال انها من نيبو ،وهي في المصرية القديمة تعني الذهب.
وسنمر لنعرف من أين جاءت تاحنسو
وكذلك الواوات.
لكن ثبت بما لايدع مجال للشكل ان البجا فقط هم الذين احتفظوا بهويتهم .. فحضارة سودان وادي النيل ومصر العليا والسفلي التى وحدها الملك مينا ، لايوجد من شعبها الحالي من ينتمي عرقيا لهم
وستثبت الجينات التي أصبح يستعين بها علماء التاريخ لأصل كل حضارة .

لكن ثبت بما لايدع مجال للشكل ان البجا فقط هم الذين احتفظوا بهويتهم .. فحضارة سودان وادي النيل ومصر العليا والسفلي التى وحدها الملك مينا ، لايوجد من شعبها الحالي من ينتمي عرقيا لهم
وستثبت الجينات التي أصبح يستعين بها علماء التاريخ لأصل كل حضارة .

ود الفكي ازيك

ممكن اتفق معاك الى حد ما في قصة النقاء العرقي لقومية النوبة في السودان ومصر

1400 سنة من تاشيرة مرور منحت للعرب لابد وان تحدث بعض الاضافات، اقول اضافات وليس
نقوصات، بمعنى ان النوبي ما زال نوبي 100% ولكن دخلته جينات اخرى، هذه الاضافات
جعلت منه نوبي آخر

وحديثنا هنا ينحصر في النوبة بين الشلالين الاول والرابع، اما ناس قاهرة وما ادراك ما دلتا فهؤلاء ليسوا نوبة
الشايقي ممكن يكون نوبي اكتر من زول المنصورة ان يدعي انه نوبي

تحياتي

سؤال يا عزيزي أحمد بن عوف بيرجعنا للمربع الأول
ليه انت اخترت تبدأ بأب وابنه
بل وبثقة شديدة للغاية وبعد بعانخي و "ترهاقا" تاني في منو ..؟
لحدي هسه انت ما جاوبتني ... ومحسن خلف الكواليس عرف عنك بتقرأ في نعوم شقير ليك مده
طيب كان نعوم او السودان عبر القرون او اى مصدر
موش بيبدأ بالحقائق التاريخية القديمة(ما قبل الميلاد)
اها انت رايك ده بنيتو على أي أساس ...؟
مع خالص محبتي.